داري قطر وأنا هنا أمثلهـا
المجد مطلوبي وأنا طلابـه
عهدٍ على إني لشرّف داري
ترك صبيٍ مايعـز ترابـه
شوفوا دمي من حبها عنابي
وحماستي من ضوها شبابه
الشاعر :
محمد بن حمد بن فطيس المري
العمر : 26 سنة
شاعر قطري شاب ،،
يمتاز شعره بالجزالة وسهولة توصيل الفكرة ،،
و سلاسة الربط في مواضيع القصيدة ،،
يشارك الآن في البرنامج الشعري المعروف
(( شاعر المليون ))
وقد كان خير من يمثل قطر الغالية . .
شاعرنا وصل للمرحلة القبل نهائيه
بعد ترشحه فوزه الكاسح الاخير على
3 من الشعراء كان أبرزهم السعودي فيصل اليامي
تمنياتي لشاعرنا بالتوفيق والفوز بلقب شاعر المليون
وهذه قصائده التي أمتع الملايين من المشاهدين في الخليج بها . .
(( ماني بمن ياتي ولا يدرى به ))
ماني بمن ياتـي ولا يدرابـه
شطراً حفظته ماعرف كتابـه
شطراً يناسبني لمثـل الليلـه
وأشوفني في ذا المكان أولابه
أبتـكـل بالله ونـعــمٍ بالله
اللي مايوصد دون خلقه بابـه
باقول واللجنـه تقيـم قولـي
ومن كثرة الشعار ماني ابـه
الحمد لله واثقٍ مـن روحـي
وان كنت ذيبٍ فاالرجال ذيابه
ماأقول أنا أشعر واحدٍ فالدنيا
لكن قصيدي كفو وأنا أدرى به
والشعر جمعنـا لـو تفرقنـا
حدودنـا وظروفنـا الغلابـه
الله يبيض وجه راعي الفكـره
عزالله أنها تنحسـب لحسابـه
والله يبيض وجه من يرعاهـا
محمـد الله يحفظـه لحبـابـه
محمد ولد زايد عريب المجنـا
ولي عهـد الديـره الخلابـه
الشعر تاريخٍ لنا مـن مبطـي
واعلامنا يـوم السنيـن نهابـه
الشعر بيتٍ والـوزن عمدانـه
معناه طنـب وقافيتـه حجابـه
والشعر وادي فيه صيد واجـد
وكلٍ على الوادي يهج ركابـه
الأفكار صيد وكل شاعر قانص
وكلٍ يدسـم شاربـه مخلابـه
أحدٍ خياله حر و احدٍ وكـري
واحدٍ خيالـه كوبـج بقطابـه
وأنـا خيالـي كـل ماهديتـه
حول على الوادي وصاد عقابه
شاركت أمثل ديرتي وربوعي
وكلٍ يمثل ديرتـه واقرابـه
والله إلا الله راد والله قـالـه
إني لاسلمها الفخر واكتابـه
داري قطر وأنا هنـا أمثلهـا
المجد مطلوبي وأنـا طلابـه
عهدٍ على إني لشـرّف داري
ترك صبـيٍ مايعـز ترابـه
شوفوا دمي من حبها عنابـي
وحماستي من ضوها شبابـه
شاعر خليجـي والعروبـه بيتـي
والبيـت ماياقـف بـدون أطنابـه
وان عـودة بيـن القبايـل فزعـه
أنشهـداً لـي فالـلـوازم لابــه
لـي فالقبايـل ربـع واقـدرهـم
ماني بمن يجهـل مقـام أصحابـه
وان عودة لاصلي فاأنا أصلي مري
من صلب يام أهل القنا وخضابـه
قـومٍ لنـا فـوق المعالـي بيـرق
والسيـف قـوة سلتـه بانصابـه
الشعـر طوقنـي وانـا طوقـتـه
قمـت أتمشابـه وافـك أبـوابـه
يابنـت ياللـي تفرقيـن بعـودش
ماألومهـم لـو كثـرو الخطابـه
لامر بش دربش علـى خلـق الله
قالـوا كـذا باالأصبـع السبـابـه
زينش يزينه فعل ابيش وجدش
وانتي بـدورش للنقـا كسابـه
قومي تباهيبي وفلـي راسـش
عليش من ستر الشرف جلبابه
وان ماسترتش بالفعول وباسمي
فعقبنـي الفنجـال ياصبـابـه
الرئيسية 
البوابة 
أحدث الصور 
التسجيل 
دخول 
الخميس أغسطس 16, 2007 3:41 pm
